Kia ora!
Neke atu i te 8,000 ngā akonga mai i ngā kura 83 puta noa i Aotearoa i whai wāhi atu i roto i ngā pōtitanga a motu tuatahi a Pōti Tamariki. I whakahaerehia ngā pōtitanga nei kia hāngai tonu ki ngā pōtitanga kāwanatanga a rohe i tu i te tau 2007. E ai ki nga urupare tuatahi i whakahokia mai, i angitū, ā, i tutuki pai ngā mahi katoa. Whakapā mai ki konei ki te titiro ki nga putanga mō tō rohe.
Whakapā mai ki konei ki te pānui i ētahi kōrero mai i ngā kura e pā ana ki tō rātou rangi Pōtitanga a Pōti Tamariki. Kua tāpirihia hoki ngā kōrero whakahirahira e pā ana ki ngā whakaritenga mō Pōti Tamariki.
Ki te hiahia koutou kia whai wāhi hoki tō koutou kura ki Pōti Tamariki 2008, e hāngai ana ki ngā pōtitanga a paremata, whakapā mai ki konei.
Mā Pōti Tamariki ka āhei ngā ākonga o te tau tua iwa ki te whai wāhi ki tētahi whēako pōti e pono ana. Ka pōti ngā ākonga mō ētahi kaiwhakauru pono, mā runga i tētahi pepa pōti pono, kātahi ka taea e rātou te whakarite i ngā whakatau mai i ngā pōtitanga o ngā tamariki ki ngā whakatau o te pōtitanga a motu.
I waihangatia a Poti Tamariki hei whakarewa ake i te arokā o te hunga taiohi ki ngā tükanga pōti o Aotearoa. Ki Aotearoa nei, ā he pērā hoki i te nuinga o ngā whenua kāwanatanga a iwi o te ao, kei te heke te nama o ngā kaipōti, ā, he itiiti noa iho te hunga taiohi e whai wāhi ana i roto i ngā mahi tōrangapü. Mā te whakapakari ake i te whai wāhitanga mātātoa o te hunga taiohi e whakanui i tō rātou māramatanga, o rātou whakapono me tō rātou māiatanga i roto i ngā mahi pōti.
Whakapā mai ki konei mō ētahi atu kōrero whakamārama.
Whakapā mai ki konei ki te pānui i tā mātou whakarapopototanga i ngā kōrero mō Pōti Tamariki 2007.
Ka mutu te rēhita ākuanei. Na reira uru mai ki Pōti Tamariki.
E te pouako
Ka taea te whakahaere tētahi Poti Tamariki me tō akomanga mō ngā pōtitanga Paremata (2008). I waihangatia a Pōti Tamariki kia hāngai ki te marautanga Tikanga a Iwi mō ngā ākonga o te tau tuaiwa.
Ka riro i a koe ngā tauira e rite tonu ana ki ngā pepa pōti ka riro e ngā pakeke o tōu rohe kia taea e koe te whakahaere i tētahi pōti hei te wiki o mua o te pōtitanga pono. Ka riro hoki i a koe tētahi pouaka pōti me ngā kōrero whakamārama hei whakarei i te whēako me ngā putanga akoranga. Kāore he utu mā ēnei rauemi katoa.
Me rēhita ki konei mō Poti Tamariki
Ki te hiahia koutou pouako mā ki ētahi atu kōrero whakapā mai ki konei
E te kaunihera
He mea angitü a Pōti Tamariki mō ngā kaunihera ki te akiaki i ngā ākonga me o rātou whānau kia whai wāhi ki roto i ngā take a rohe me te kāwanatanga a iwi a rohe.
Kāore he utu mā ngā rauemi,ā, ka mahi tahi koutou ko tētahi kaitakawaenga a motu. Ko tāu nei mahi ko te akiaki i ngā ākonga o te tau tuaiwa o tō rohe, o tō taone rānei ki te uru mai ki te kaupapa nei.
Me rēhita ki konei mō Poti Tamariki
Ki te hiahia koutou, e te kaunihera, ki ētahi atu kōrero whakapā mai ki konei
