He kōrero mō ngā kaunihera
Ki te hiahia koutou ki te whakanui ake i te whai wāhitanga o te hunga taiohi i roto i ngā take o te rohe me te kāwanatanga a iwi a rohe kātahi mā koutou a Pōti Tamariki!
He tino huarahi tēnei mā koutou ki te uru atu ki ngā kura me te mahi tahi me ngā tāngata o tō rohe, ā, me te whakaako i a rātou ki ngā mahi o te kaunihera, me pēhea hoki te whakahaere pōtitanga. Kāore he utu, he whakapaunga wā anake mō te waea atu ki ngā kura tuarua o tō rohe.
He huarahi anō a Pōti Tamariki mō te whakawhānui ake i te whakaaturanga o ngā āhuatanga o te kāwanatanga a rohe i roto i ngā pāpāho o tō rohe. He mea nui tēnei inā koa e ngākaunui ana rātou ki te whakarite i ngā whakatau o ngā kura me ngā whakatau o ngā pōti pono.
He maha ngā hua o Pōti Tamariki e pā ana ki te whakarei ake i te ngakaunuitanga o ngā ākonga ki te tükanga pōti. Kua kite te ekenga o te whai wāhitanga i roto i ngā mahi tōrangapü o ngā ākonga me o rātou mātua hoki. Hei tapiri atu ki tēnei, he whānui ake anō ngā hua o Pōti Tamariki tae atu ana ki te whakariterite i te whanaungatanga i waenganui i ngā kaunihera me ngā kura o te rohe, me te whakanui ake i te ngakaunui o ngā ākonga ki ngā take o te rohe me ngā āhuatanga whakatau kaupapa i roto i te rohe.
Ka tāea e koe te āwhina i tēnei huarahi mā te mahi tahi me ngā kura o tō rohe me te whakarato i ngā kōrero whakamārama me ngā tautoko kia rātou mō Pōti Tamariki.
Ko wai mā ngā tāngata o te kaunihera tērā pea ka whai wāhi mai?
- Ngā Ratonga Porihanga Popoti me ngā Āpiha Pōti
- Ngā Kaitohutohu Whanaketanga Hāpori, ā, taiohi hoki
- Ngā kaimahi tuku kōrero whakamōhiohio
- Ngā Kaimahi Mātauranga Taiao
- Ngā mema kua pōtihia
NGĀ KŌRERO REHITA A KAUNIHERA
I mua i tō rehitatanga, e tūtohu ana mātou kia whakawhiti kōrero koutou ko o hoa mahi e pā ana ki te kaha o o koutou whakapapātanga me o koutou kura. Ko te itinga rawa, e whakaaro ana mātou me whakahaerehia e koutou he hui me nga kura o tō rohe hei akiaki i a rātou ki te whai wāh,i me te whakamārama hoki kia rātou ka pēhea tō tautoko i a rātou i roto i ēnei mahi. Kei runga noa atu mēna ka taea e koe te āwhina ki te whakahaere i ngā mahi pēra i te rangi whakanui i te taone, he huihuinga tūtaki i ngā kaiwhakauru rānei.