He kōrero mō ngā pouako

Kāore a Pōti Tamariki he mea tāpiri, he kawenga taumaha rānei. E hāpai ana a Pōti Tamariki i ngā pouako ki te kawe a rekareka nei i te marautanga. I waihangatia a Pōti Tamariki kia mahi tahi me te marautanga Tikanga a Iwi mō ngā ākonga o te tau tua iwa kia taea hoki te kōwhiri i ngā mahi e tika ana mō ō akomanga, me o hiahia.

Kua whakahaeretia a Pōti Tamariki i roto i ngā kura o Tāmaki Makaurau mō ngā tau maha nei, ā, he takatika hoki ngā hua kua puta mai. E hāngai ana ngā rauemi e whakarato ana ki ngā pouako ki ērā i whakamahia momoho nei i Tāmaki Makaurau.

E kitea ana, ko ngā hōtaka ka tuku i ngā ākonga ki te whai wāhi i roto i ngā pūnaha kāwanatanga a iwi, ka whakatitina ēnei i te whai wāhitanga o ngā ākonga a mea ake nei, ā, he maha hoki ngā hua ka puta ki ngā ākonga me ngā pouako. Ko ētahi o ēnei ko te:

  • whēako a ngā ākonga ki te tūkanga pōti me te whakakore i te taha weriweri o ēnei mahi
  • whakanui ake i te ngakaunuitanga ki ngā mahi tōrangapū mā te whai wāhi o ngā ākonga i roto i te tūkanga pōti
  • whakarato i ngā whai wāhitanga ki te hāpai i ngā mahi ka taea te āwhina i te whakatutukitanga o ētahi atu o ngā whāinga o te marautanga
  • whakarewa ake i te arokā ki ngā take e hāngai ana ki ngā hāpori me te motu whānui.

Ngā Pōtitanga a Paremata

Kāore anō te Pirimia kia whakaritea te rangi mō ngā pōtitanga a motu mō tēnei tau.  Kua whakamōhiotia mai te rangi mō ngā pōtitanga e whā kua pahure ake nei i waenganui i ngā marama o Mei ki te Hepetema kātahi i tu ngā pōtitanga i waenganui i te Hurae ki te Noema.  Nō reira kāore e kore ka tu ngā pōtitanga a te wahanga whakamutunga o tēra tau.  Mā te whakariterite i tō kura ināianei tonu, e reri ake koutou inā ka whakapaoho ohorere nei te rangi pōtitanga.  He mea nui tēnei i te mea tēra pea kotahi marama noaiho te wā kia koutou mai i te wā whakareri ki te wā pōtitanga. 

Ngā Kōrero Whakamārama a Rehita mā te Pouako

I mua i te rehita i tō kura ki te whai wāhi ki Pōti Tamariki mō tēnei tau me āta whakaarohia ngā kōrero e whai ake nei:

•·        Whakatauhia ko ēhea ngā tau o roto i tō kura ka whai wāhi ki ēnei mahi.

•·        Kōrero ki o hoa mahi ko o rātou akomanga kei te whai wāhi ki te pōtitanga, kia ū ratou ki te tautoko i a koe.

•·        Whakahaerehia tētahi hui whakamahere whakataki me ngā pouako katoa e tika ana me nga ākonga e hiahia ana ki te āwhina, kia wānangahia ngā take pēra i te whaihuanga, te tahua, te wā taka.

•·        Whakatauhia ngā whakaritenga whakahaere mō tō tauwhāinga, ā, mā wai e arataki ngā mahi? Tāutuhia tētahi tangata hei takawaenga matua me te Kaiwhakahaere a Motu mō Pōti Tamariki.  Kōrerohia ka pēhea te tuku i ngā kōrero hāngai me ngā kōrero whakahou ki ēra atu o ngā hoa mahi me ngā ākonga - mā te imera, ngā hui whakamahere a marama rānei?

•·        Whakaaehia te roanga o te wā ka hiahia tō kura ki te whakareri i ngā ākonga mō te pōtitanga, tae atu ana ki ngā wā akoranga me ētahi atu mahi pēra i tētahi hui tūtaki ki ngā kaiwhakauru.  Whakauruhia ēnei āhuatanga ki te marautanga a te kura ināia nei tonu. 

Kia mutu tō koutou hui tuatahi me whakaoti te whakakī i ngā pepa rehita.  Ahakoa e hiahia ana mātou kia whakamōhio mai koutou i tētahi tangata hei takawaenga, kei te hiahia hoki mātou ki ngā imera o ēra atu pouako ka whai wāhi mai o rātou akomanga kia taea te whakakapi i a rātou ki roto i ngā kōrero matua.  Rehita ana koe kātahi ka tuku atu ngā Pūhera Rauemi a Paremata 2008 e ai ki ngā akomanga kua rehitatia.  Tohua mai te pouaka e tika ana ki te hiahia koutou ki ēnei rauemi ki te reo Maori.